Театр хэмээх урлагийн ариун сүмд морилж бүтээл туурьвил бүхнийг шимтэн таалдаг эрхэмсэг үзэгч танд Монгол Улсын Төрийн хошой шагналт, Ардын жүжигчин Б.Дамдинсүрэнгийн нэрэмжит “Монгол туургатан” театрын хамт олны чин сэтгэлийн мэндчилгээг өргөн дэвшүүлье. Манай театр нь 90-ээд жилийн тэртээх ардын авьяастнуудын “Улаан гэр”-ээс үүсэлтэй бөгөөд хөгжил дэвшлийн түүхээрээ 1982 онд Хөгжимт драмын театр болон өргөжиж өөрийн тайзнаа олон арван бүтээл туурьвиж Монгол Улсын гавьяат цолтноор 12, Соёлын тэргүүний ажилтнаар 80 гаруй хүн шагнагдаж, өдгөө тус театрт 800 хүний суудалтай орчин цагийн театрын стандарт нөхцлөөр хангагдсан шинэ байранд үйл ажиллагаагаа явуулж байна. Театрын урын санд монгол туургатны олон үндэстэн, ястны язгуур урлаг дуу, хөгжим, бүжиг, үндэсний ба гадаадын сонгодог, орчин үеийн жүжгүүд, хошин шог хөтөлбөр зэрэг бүтээлүүд зонхилж байна. Эрхэм хүндэт үзэгч танд манай театрын хаалга байнга нээлттэй байх болно.
Хүндэтгэсэн:
“МОНГОЛ ТУУРГАТАН” ТЕАТРЫН ЗАХИРАЛ Д.МӨНХБАТ
