Монгол улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын хөгжмийн зохиолчдын холбоо хамтран “Бүх нийтийн хөгжмийн баяр” арга хэмжээг орон даяар эхлүүлж байна. Хөгжмийн уран бүтээлчдийн бүтээлч хандлагыг нэмэгдүүлэх, бүтээл туурвилыг сурталчлах, хөгжмийн урын санг шинэ, шилдэг бүтээлээр баяжуулах, нийтийн хүртээл болгох, монгол хөгжмийн үнэлэмж, үнэ цэнийг нэмэгдүүлэх зорилгоор зохион байгуулж байгаа уг арга хэмжээнд аймгийн Боловсрол, соёл урлагийн газар, “Монгол туургатан театр”, Ерөнхий боловсролын сургууль, сургуулийн өмнөх боловсролын байгууллагууд нэгдэж, өнөөдөр нээлтийн тоглолтоо зохион байгууллаа. “Бүх нийтийн хөгжмийн баяр” арга хэмжээний хүрээнд олон талт арга хэмжээг зохион байгуулах бөгөөд үүнд мэргэжлийн урлагийн байгууллагын уран бүтээлчид, ардын авьяастан, өсвөрийн хөгжимчдийг өргөнөөр хамруулах юм.

Хөдөлмөрийн баатар, Ардын уран зохиол Б. Лхагвасүрэнгийн зохиолоор жүжгийн дүр сонгон шалгаруулах уралдааныг жүжигчдийн дунд зохион явууллаа. Уг уралдааныг УДЭТ-ын найруулагч МУУГЗ. Найдандорж үзэж шалгалаа.